جده، سعودي عربستان - «طرز پرس»: سعودي عربستان ته د ایټالیا لومړۍ وزیرې جورجیا ملوني تاریخي سفر، د شنبې په ورځ، د مکې مکرمې د امیر مرستیال، شاهزاده سعود بن مشعل، له خوا له تود هرکلي سره پیل شو.
دا سفر چې د حکومتي چارواکو او د ایټالیا د مشهورو شرکتونو له مشرانو سره ترسره شوی دی، نه یوازې یو دیپلوماتیک سفر دی، بلکې د ایټالیا او سعودي عربستان ترمنځ د ستراتژیکو او اقتصادي اړیکو د یوې نوې دورې پیل هم ګنل کیږي.
د العربیې د رپوټ پر بنسټ، ملوني به د سعودي ولیعهد شاهزاده محمد بن سلمان سره په ځانګړې ناسته کې وګوري او اټکل کیږي چې د دواړو مشرانو ترمنځ د همکارۍ ګډو فرصتونو او د اقتصادي، ټکنالوژۍ، انرژۍ او صنعت په برخو کې خبرې اترې وشي. دا سفر، د سعودي عربستان د 2030 کال لیدلوري ته په پام سره چې د دې هېواد اقتصادي تنوع ته ځانګړې شوې، خورا ډېر اهمیت لري.
د 1932م کال راهیسې چې د دواړو هیوادونو ترمنځ دیپلوماټیکي اړیکې پیل شوي، همدا راز دا اړیکې د سوداګرۍ، کلتور او سیاست په برخه کې هم ستر پرمختګونه کړي دي. په 2023 کال کې، د ایټالیا او سعودي عربستان ترمنځ د سوداګریز تبادلې حجم په حیرانوونکي ډول 10.8 میلیارده ډالرو ته ورسید، چې د دواړو هیوادونو ترمنځ د بریالۍ او متنوع همکارۍ ښکارندویي کوي.
راتلونکي ته په کتو سره، دا سفر کولی شي د ګډو پروژو او نویو فرصتونو یو پیل وي چې نه یوازې د ایټالیا او سعودي عربستان لپاره، بلکې د سیمې او نړۍ لپاره هم مثبتې پایلې لرلای شي.
