واشنګټن - طرز پرس: د امریکا جمهوريپال ګوند د دې هېواد په استازو جرګه کې له بریا سره توانېدلی چې د متحده ایالاتو درېګونی ځواک تر خپل کنټرول لاندې راولي.
د امريکايي رسنیو د راپورونو پر بنسټ، جمهوريپالانو په استازو جرګه کې ۲۱۹ څوکۍ ګټلې او دا وروستی ستراټژیک ځای و چې په بشپړه توګه پرې مسلط شول. له دې بریا سره، جمهوريپال ګوند اوس توانېدلی چې د امریکا درېګونی ځواک، چې سپینه ماڼۍ، د سنا او د استازو جرګې پکې شامل دي، خپل کړي.
دا ستراټژیک موقعیت جمهوريپالانو ته اوس اجازه ورکوي چې د امریکا په سیاستونو، د قوانینو په جوړولو او د متحده ایالاتو په نړیوال دریځ کې فوق العاده اغېزې ولري. همدارنګه، هغه هېوادونو ته هم ځانګړی پیغام لري چې د نړیوالو تحولاتو په اړه د متحده ایالاتو د نوې لیدلوري په تمه دي.
