طرز پرس: د امریکا ټاکنې چې د ۲۰۲۴ کال د نومبر په ۵مه ترسره کیږي، د جمهوري غوښتونکي ګوند غړي په سنا او د استازو جرګې کې هڅه کوي چې د ټرمپ د بریا په صورت کې د نوموړي د لومړیو ۱۰۰ ورځو کاري پلان ترتیب کړي. دغه پلان د جمهوري غوښتونکو مهم اهداف په ګوته کوي او د دوی ژمنتیا څرګندوي چې د ټرمپ ټاکنزې وعدې پوره کړي.
د پلان لومړیتوبونه
د جمهوري غوښتونکو یو له اصلي موخو څخه د هېواد په مالي سیاست کې پراخ بدلون راوستل دي. دوی د مالیاتو د کمولو لپاره د یوې لویې اجنډا تصویب لپاره کار کوي چې د ټرمپ انتخاباتي ژمنو ته ځواب ووايي. د سنا د جمهوري غوښتونکو مشر میچ مککانل او د استازو د مجلس رئیس مایک جانسن د دې مالي بسته د جوړولو لپاره ګډ کار کوي. په دې پروګرام کې د پولو د امنیت د ابتکار لپاره بودیجه هم شامله ده چې د ټرمپ د وړاندیز شوې سرحدي دیوال د بشپړولو لپاره به وګول شي.
په دې سربېره، د مالیاتو او دندې کمولو قانون، چې په ۲۰۱۷ کال کې د ټرمپ له خوا لاسلیک شوی و، د یو بل اصلي لومړیتوب په توګه مطرح شوی. دا قانون باید تر ۲۰۲۵ کال پای ته رسیدو مخکې بیا تصویب شي. په دې لړ کې، جمهوري غوښتونکي هم د هغو برخو د بودیجې کمولو په لټه کې دي چې د دوی په نظر د بایډن په حکومت کې "وسلې" ګرځېدلي دي.
د ټاکنیز سیالیو وضعیت
د دې لپاره چې د ټرمپ او د ډیموکراټانو کاندیدې کامالا هریس ترمنځ سیالي نږدې ده، جمهوري غوښتونکي په دې هڅه کې دي چې که ټرمپ بریالی شي، خپلې ژمنې باید پوره کړي. سناتور جان باراسو، چې په راتلونکي کانګریس کې د جمهوري غوښتونکو لپاره د نوې څېرې په توګه پېژندل کیږي، تازه د ټرمپ له ټیم سره لیدنه کړې ده ترڅو د هغه د ولسمشرۍ د لومړیو ۱۰۰ ورځو لپاره یوه نقشه جوړه کړي.
ټاکنیز سیستم
د امریکا د ولسمشرۍ ټاکنې به د ۲۰۲۴ کال د نومبر په ۵مه ترسره شي او د دې ټاکنو ګټونکی به له جنوري ۲۰۲۵ څخه خپل څلور کلن دوره پیل کړي. په دې هیواد کې د ولسمشر ټاکنه نه یوازې د عامو رایو له لارې، بلکې د "الکترال کالج" په نوم سیستم له لارې ترسره کیږي. د دې سیسټم د ګټلو لپاره، هر کاندید باید د ټولټال ۵۳۸ رایو څخه ۲۷۰ الکترال رایې ترلاسه کړي. د اریزونا، جورجیا، او میشیګان په څیر مهم ایالتونه په دې انتخاباتو کې کلیدي رول لري. د منتخبو پلاوی به د ۲۰۲۴ کال د دسمبر په ۱۷مه غونډه وکړي ترڅو الکترال رایې رسمي کړي او وروستۍ پایله به د ۲۰۲۵ کال د جنوري په ۶مه تایید شي.
