تازه خبرونه

طالبانو اعلان وکړ چې د روانې اونۍ چهارشنبې ورځ د دغې ډلې د واکمنۍ دریمې کلیزې په مناسبت په ټول افغانستان کې عمومي رخصتي ده.

د متحده ایالاتو په ټاکنوکې د جمهوریپال ګوند نوماند ډونالډ ټرمپ ټاکنیز مسؤلین ادعا کوي چې ایران د ټرمپ د کمپاین یو شمېر داخلي اړیکې هيک کړې دي.

د ترکمنستان د بهرنیو چارو وزارت وايي چې په افغانستان کې د تاپي پروژې د عملي کار د پیل لپاره پوره چمتووالی لري او په نږدې راتلونکې کې به په افغانستان کې د تاپي پروژې عملي کار پیل شي.

د طالبانو د کورنيو چارو وزیر سراج الدین حقاني ادعا کوي چې د بښنې له عمومی فرمان څخه سرغړونه نه ده شوې او هېڅوک هم دا ثابتولی نه شي چې طالبان دې دا فرمان نقض کړې وې.

یوې ایراني رسنۍ راپور ورکړی چې د ایران پولیسو داسې افغان کم عمر لرونکي کډوال یې هم نيولي چې عمرونه یې له ۱۰ څخه تر ۱۷ کلونو پورې دي، او دا په داسې حال کې چې هغوی د اوسېدو اړوند اسنادونه هم لري.

د پاکستان پوځ د عامه اړيکو څانګې 'ای اېس پي ار' په یوه بیان کې ویلي، چې دا برید د جمعې په ورځ د اسد په ۱۹مه د خیبر پښتونخوا په شمال لوېدیځ کې ترسره شوی او په ترڅ کې یې د پاکستاني پوځ څلور جنګیالي هم وژل شوي دي. تحریک طالبان پاکستان هم د دې برید مسوولیت منلی، خو ادعا یې کړې چې پاکستاني ځواکونو ته یې زیاته مرګ ژوبله اړولې ده.

د ایراني پولیسو له خوا د افغان کډوالو د وهلو او سپکاوي په اړه له پراخو غبرګونونو وروسته، ایراني چارواکو اعلان وکړ چې دوی د مهاجرینو ضد نه دي او دا کار د اسلامي دود او میلمه پالنې د کلتور خلاف ګڼي.

طرز پرس - اف‌-۲۲ رپټور جيټ جنګي الوتکې د امریکا له ځواکمن جنګي الوتکو څخه دي چې له رادارونو څخه د تیښتې وړتیا لري او هوا څخه هوا ته د جګړې لپاره جوړ شوی. دا جنګي الوتکې د ځمکنیو بریدونو لپاره هم ښه وړتیا لري او د کروز په سرعت پرواز کوي.

امریکايي ورځپاڼې وال سټریټ ژورنال راپور ورکړی چې واشنګټن په مستقیم او غیر مستقیم ډول تهران ته دا پیغام رسولی چې پر اسراییل د لوی برید په صورت کې به غښتلی پوځي ځواب ترلاسه کړي.

د طالبانو یوه جګپوړي غړي انس حقاني په ایران کې له افغان کډوالو سره د ناوړه چلند په اړه غبرګون ښودلی او ویلي یې دي چې په دغه هېواد کې د کډوالو زورونه او د هغوی د انساني حقونو نقض، طالبانو ته د منلو وړ نه دي.