د جرمني صدراعظم اولاف شولتز او میلیارډر ایلان ماسک تر منځ لفظي شخړه د اروپا په ټولنیزو شبکو کې ګرمه موضوع ګرځېدلې ده. په ورستیو کې د جرمني د آلترناتیو ښي اړخیز ګوند څخه د ماسک ملاتړ او بل هغه څه چې د ښاغلي شولتز سپکاوی ګڼل کیږي، یو نوی جنجال رامنځته کړی دی.
د جرمني صدراعظم، اولاف شولتز له یاد ګونډ څخه د ایلان ماسک ملاتړ، خپل ځان ته تر سپکاوي خطرناکه بللې او ټینګار یې کړی چې دا ګوند به د جرمني اړیکې له لویدیځ سره کمزورې کړي.
دا په داسې حال کې ده چې د جرمني ټاکنې نږدې دي او اوسنۍ ارزونې په ډاګه کوي چې آلترناتیو ګوند په دویم مقام کې دی او ایلان ماسک، چې د نړۍ تر ټولو شتمن کس دی، ښايي ډېر ژر د دې ګوند له مشرتابه سره وګوري.
