تازه خبرونه

په سوریه کې د بشارالاسد د مخالفینو له پام وړ پرمختګونو وروسته، اوس د امریکا متحده ایالات وایي چې په دې هېواد کې وروستی کړکېج، پر مسکو او تهران د بشارالاسد د حکومت د تکیه کولو پایله ده.

په سوریې کې د وروستیو تحولاتو په اړه تازه راپورونه ښيي چې د بشار اسد د حکومت مخالف اسلامپالو ډلو د پام وړ پرمختګونه کړي او د حلب ښار ستراتیژیک هوایي ډګر یې هم نیولی دی.

د سولې نړیوال سازمان په خپل تازه راپور کې د نړۍ له هېوادونو غوښتنه کړې چې په افغانستان کې د جنسي اپارتاید د عادي کېدو د مخنیوي لپاره له طالبانو سره په رغنده تعامل لاس پورې کړي. دغه سازمان همداراز خبرداری ورکړی چې نړیواله ټولنه باید د طالبانو حکومت ته مشروعیت ورنه کړي، بلکه هڅه وکړي چې د ښځو او نجونو د اساسي حقونو د احیا لپاره تر فشار لاندې ونیسي.

د بشار الاسد د رژیم مخالفینو نن د جمعې په ورځ د سوریې ستراټژیک ښار حلب ته داخل شول او څو شېبې وړاندې یې د سوریې د اردو ځینې نظامي مرکزونه هم تر خپل کنټرول لاندې راوستي دي.

د جنسیتي عدالت او حساب ورکونې تر عنوان لاندې کنفرانس د پنجشنبې په ورځ په جینوا کې د افغانستان لپاره د ښځو د د یوې مجمع په کوربتوب او د اسپانیا او چیلي هېوادونو په همکارۍ ترسره شوه.

شپږ هېوادونو د افغانو ښځو له حقونو څخه د سرغړونې قضیه رسماً نړیوالې محکمې ته وسپاره. په دغو هېوادونو کې د اسپانیا، فرانسه، لوګزامبورګ، مکسیکو، چیلي او کاستاریکا نومونه راغلي دي. طالبان تورن دي چې په افغانستان کې د ښځو له حقونو څخه په دوامداره ډول سرغړونه کړې

یوه ډله افغان شاعران، لیکوالان د یو فرهنګي کمپاین په پیلولو سره د طالبانو رژیم له خوا د یو شمېر کتابونو پر بندیز خپل اعتراض څرګند کړی دی. دا کمپاین د طالبانو د هڅو پر وړاندې د فرهنګي مقاومت سمبول ګڼل کېږي، چې غواړي د ازادې اندیښنې او مطالعې مخه ونیسي.

د نومبر۲۵مه، د ښځو پر وړاندې د تاوتریخوالي پرضد د مبارزې نړیواله ورځ، هغه فرصت دی چې نړۍ یو ځل بیا د ښځو نه ختمېدونکو ستونزو او ننګونو ته پام وکړي.

د ملګرو ملتونو مرستندوی ماموریت «یوناما» تازه په افغانستان کې د رسنیو د ازادۍ له بحراني حالت څخه پرده پورته کړې او طالبان یې په قصدي ډول د رسنیو په ځپلو تورن کړی دی.

د روسیې د فدراسیون د امنیت شورا عمومي منشي، سرګي شویګو، نن په کابل کې د طالبانو له چارواکو سره وکتل. دا لیدنه د طالبانو له لوړپوړو امنیتي او سیاسي چارواکو سره وشوه او پر امنیتي او سیاسي موضوعاتو سربېره، د سیمې پر وضعیت متمرکزه وه.