تازه خبرونه

د طالبانو یو پخواني چارواکي سید اکبر آغا په لومړي ځل د طالبانو د مشر ملا هبت الله فرمان په صریح ډول رد کړې او ویلي چې د افغانو نجونو د زده کړو ستونزه باید د یوې جرګې لخوا حل شي.

د پاکستان د ملي ډموکراټیک ګوند مشر محسن داوړ د طالبانو مشر ملا هبت الله لخوا د افغانو نجونو پر طبي زده کړو د وروستي بندیز په غبرګون کې  له نړېوالې ټولنې غوښتنه وکړه چې په دې برخه کې باید عاجل اقدامات وکړي.

د المان هېواد د طالبانو له لوري د افغانو نجونو پر طبي زده کړو د بندیز وروستۍ پرېګړې ته غبرګون ښودلی او ویلي یې دي چې طالبانو له دغې پرېکړې سره په رښتیا هم د افغانستان راتلونکی له منځه وړي.

پخواني ولسمشر حامد کرزي ویلي، د طالبانو د مشر ملا هبت الله هغه پرېکړه چې نجونې له طبي علومو څخه منع کوي، سخته خواشینی کړی او له طالبانو یې غوښتي چې دا پرېکړه دې ژر تر ژره لغوه کړي.

د افغانستان پېژندل شوې او مشهوره سندرغاړې آریانا سعید، په هغه فسټیوال کې چې په متحده عربي اماراتو کې ترسره شوه، د «عرب ممتاز» نړیواله جایزه وګټله. دا جایزه د ښځو د حقونو، موسیقۍ او کلتوري فعالیتونو په برخه کې د اغلې اریانا سعید د هڅو لپاره ورکړل شوې ده.

د طالبانو مشر ملا هیبت الله د یو بېړني اقدام په ترڅ کې په افغانستان کې د نجونو پر طبي زده کړو هم بندیز لګولی او خپل د روغتیا وزارت له لوري ټولو طبي انستیټيوتونو ته خبرداری ورکړی چې سر له صبا باید افغانې نجونې خپلو زده کړو ته ولاړې نه شي.

د بیان ازادۍ کور، چې د رسنیو یو ملاتړی بنسټ دی، د یوناما وروستی راپور د افغانستان د رسنیو د وضعیت په اړه نیمګړی بللی او ټینګار یې کړی چې دغه راپور د طالبانو د واکمنۍ پر مهال د رسنیو او د بیان ازادۍ د بحران ریښتیني ابعاد نه‌دي منعکس کړي.

په سوریه کې د بشارالاسد د مخالفینو له پام وړ پرمختګونو وروسته، اوس د امریکا متحده ایالات وایي چې په دې هېواد کې وروستی کړکېج، پر مسکو او تهران د بشارالاسد د حکومت د تکیه کولو پایله ده.

په سوریې کې د وروستیو تحولاتو په اړه تازه راپورونه ښيي چې د بشار اسد د حکومت مخالف اسلامپالو ډلو د پام وړ پرمختګونه کړي او د حلب ښار ستراتیژیک هوایي ډګر یې هم نیولی دی.

د سولې نړیوال سازمان په خپل تازه راپور کې د نړۍ له هېوادونو غوښتنه کړې چې په افغانستان کې د جنسي اپارتاید د عادي کېدو د مخنیوي لپاره له طالبانو سره په رغنده تعامل لاس پورې کړي. دغه سازمان همداراز خبرداری ورکړی چې نړیواله ټولنه باید د طالبانو حکومت ته مشروعیت ورنه کړي، بلکه هڅه وکړي چې د ښځو او نجونو د اساسي حقونو د احیا لپاره تر فشار لاندې ونیسي.