تازه خبرونه

سرچینو تېره شپه طرز پرس ته تأیید کړې چې فطرت له تېرې اوونۍ راهیسې خپلې دندې ته نه‌دی تللی او احتمال شته تر هغو چې امنیتي اندېښنې له منځه ولاړې نه‌شي، خپل دفتر به ولاړ نه شي.

د طالبانو د بهرنیو چارو وزارت سیاسي معین، عباس ستانکزي، په یوه تازه خپره شوې غږیزه وینا کې د طالبانو د مشر هبت‌الله آخندزاده پر ضد سختې نیوکې کړي او طالبانو ته یې سپارښتنه کړې چې له هغه څخه په پټو سترګو اطاعت ونه کړي.

په پاکستان کې مېشت افغان کډوال د یو پرانیستې لیک له لارې د هند له صدراعظم نریندرا مودي څخه غوښتي چې د پاکستان له لوري د دوی د جبري ایستلو د مخنیوي په برخه کې بېړنی مرسته وکړي.

افغانستان لپاره د امریکا پخوانی استازی زلمی خلیلزاد وايي، هر هغه هېواد چې غواړي له واشنګټن سره خپلې اړیکې ښې کړي، باید تر هر اقدام دمخه امریکايي برمته شوي کسان خوشې کړي.

د پاکستان پوځ ومنله چې د بلوچستان ایالت په قلات ولسوالۍ کې له وسله والو اورپکو سره په یوه جګړه کې لږ تر لږه د دوی ۱۸ پوځيان وژل شوي دي. د پاکستان د پوځ په وینا، دا جګړه د جمعې په شپه د دلوې ۱۲مه، رامنځته شوې وه.

چین په بریالیتوب سره هغه پرمختللی جنګي جټ الوتکه ازمايښت کړې چې د مصنوعي هوښ پر ټکنالوژۍ مجهز دی. د ساوت چاینا مورنینګ پُسټ د راپور له مخې، دا جنګي جټ کولای شي تر غږ څلور برابره زیات سرعت ولري او په بشپړ ډول په چین کې دننه جوړ او طراحي شوی دی.

د سوریې د انتقالي حکومت ولسمشر احمد الشرع په خپل لومړني رسمي وینا کې ټینګار وکړ چې د نوي سوریې بنسټ به د ملي یووالي او پراخ مشارکت پر اساس کېښودل شي.

د افغانستان پر اقتصادي وضعیت د خارجي مرستو د بندېدو د اغېزو او د هغه د احتمالي ناوړو پایلو په اړه د زیاتېدونکو اندېښنو په ترڅ کې، طالبانو اعلان کړی چې د هیواد بودیجه داخلي بنسټ لري او په خارجي مرستو تکیه نه لري.

د طالبانو د مشر ملا هبت‌الله د نیولو لپاره د جزا نړیوالې محکمې له غوښتنې وروسته، اوس د طالبانو پخواني چارواکي وايي چې د نجونو د زده‌کړو د ستونزې حل، د ټولو په خیر ده.

د کرکټ نړیوالې شورا (ICC) اعلان کړی چې د افغانستان د کرکټ ملي لوبډلې یو ستوری عظمت‌الله عمرزی، د ۲۰۲۴ کال لپاره د یوې ورځېنیو سیالیو غوره لوبغاړی ټاکل شوی دی.